Accessibility links

пәнҗешәмбе, 8 декабрь 2016, Казан вакыты 05:14

“Wäkilçeleklär çittä yäşäwçe watandaşlarıbızğa iğtibar kürsätergä tieş”


Qazanda Tatarstannıñ Rusiä, yaqın häm yıraq çit illärdäge wäkilläreneñ kiñäşmäse uzdı. Andıy wäkilçeleklärne oyıştıruğa 10 yıl waqıt uzıp kitkän ikän. Xäzer respublikanıñ 23 wäkilçelege eşläp kilä. İqtisat häm säwdä belän şöğellänüçe wäkilçeleklär üz üzlären aşatırğa tieş bulsalar wäkälätle wäkilçeleklär Tatarstan büdjetınnan kön kürälär. Qazan Kremlendä uzğan kiñäşmädä wäkilçeleklärneñ uzğan yılğı eşenä näticä yasaldı, alar aldında yaña burıçlar quyıldı. Tatarstan Prezidentı apparatı citäkçese Äqzam Ğobäydullin wäkilçeleklärneñ eşen tänqit küzlege aşa bäyäläde. “Wäkillär çittä yäşäwçe watandaşlarıbızğa ayırım iğtibar kürsätergä tieşlär”, - dide ul üzeneñ çığışında. Uzğan yılnı Vladimir Putinnıñ ilçeleklär aldında yasağan çığışın iskä alıp, Äqzam äfände “wäkilçeleklärneñ eşen bäyälägändä, bez alarnıñ millättäşlärebez belän niçek eşläwen isäpkä alaçaqbız”, - dide.

Xäyer, wäkillärneñ watandaşlarıbız belän tığız elemtädä torıp eşläwçeläre dä bar. Amerikada, Törkiädä, Mäskäwdä urnaşqan wäkilçeleklärne maqtap iskä alırğa kiräkter. Läkin millionnan artıq yäşägän yaqın çit illärdä milli-mädäni problemalarnı çişü ciñel tügel. Andağı millättäşlärebez öçen Tatarstan wäkilçelege – ul tuğan yort ta, tuğan il dä. Menä şunı istä totıp eşläsälär, wäkillärgä räxmättän başqa süz äytelmäs ide.

Damir Ğismetdin, Qazan

XS
SM
MD
LG