Accessibility links

пәнҗешәмбе, 8 декабрь 2016, Казан вакыты 09:04

Şarm äş-Şäixtä Ğäräp Ligası illäre sammitında Berläşkän Ğäräp Ämirlekläre Ğiraq citäkçese Säddam Xösäinne töbäktä suğış buldırmaw öçen xakimiättän kitärgä çaqırdı.


Sammitqa cibärgän wäkilläre aşa Berläşkän Ğäräp Ämirlekläre prezidentı Şäix Zayed bin Sultan än-Nayan Säddamnı häm Ğiraq citäkçelegeneñ qalğan öleşen qağılğısızlıq xoquqına almaş bularaq xakimiätne tapşırırğa öndäde. Ul, şulay uq, Ğiraqta qısqa möddätle Ğäräp Ligası häm BMO idaräse buldırırğa çaqırıp ul çorda normal wäzğiätkä qaytu öçen çaralar kürelergä tieş dide. Süriä prezidentı Bäşär äl-Ässad 22 ilne üz eçenä alğan Ğäräp Ligası äğzaların Quşma Ştatlarğa üz bazalarınnan häm üz cirlärennän Ğiraqqa qarşı suğış alıp barunı röxsät itmäskä çaqırdı. Ässad Ğärap däwlätlärennän xäzerge waqıtta AQŞ ğäskärläre urnaşqan bazalarnı yabu soralmıy, barı tik ul bazalardan Ğiraqqa qarşı höcümnär oyıştıru ğına tıyılırğa tieş dide. Xäzerge waqıtta Ğäräp Ligasınıñ qayber äğzalarında, şul isäptän, Küwäyttä häm Qatarda AQŞ ğäskärläre urnaşqan.

Sammit başlanır aldınnan ğına saqçılar arasında bäreleş bulıp aldı. Liviä citäkçese Muammar Qaddafinıñ tän saqçıları - barısı da xatın-qızlar - Misır iminlek köçläre xezmätkärläre belän suğıştı. Suğış barı tik Misırlılar aftomat qorallar çığarğannan soñ ğına tuqtaldı. Qaddafinıñ tän saqçıları aña iärep utırış bulaçaq bülmägä kerergä telägän bulğan.

XS
SM
MD
LG