Accessibility links

Кайнар хәбәр

Törkiä premyer-ministrı Abdulla Gul parlamentnıñ AQŞ ğäskärlärenä, Ğiraqta suğış bulğan oçraqta, Törkiädä suğış bazaları buldırunı röxsät itüdän baş tartuı Quşma Ştatlar belän mönäsäbätlärgä zian kitermäyäcäk dide.


Gul Ankarada çığış yasap Waşington belän uzara añlaşu, duslarça mönäsäbätlär däwam itäçäk dide. Gul parlamentnıñ kiçäge tawış birü näticäsen qaraw oçen cıyılğan utırış başlanır aldınnan çığış yasadı. Bu utırışta älege mäs'äläne sişämbe könne cıyılaçaq parlament utırışında yañadan ber märtäbä täqdim itü turında süz bara. Xakimiättäge Ğädellek häm Tärräqiät partiäse räise Recep Tayyip Erdogan ägär zarur bulsa parlamentta bu mäs'älä yañadan täqdim itelergä mömkin dide. Gul Törkiäneñ finans bazarların kiçäge tawış birüdän soñğı şok näticäsennän saqlap qalu çaralarına östenlek birüe turında äytte. Törkiäneñ qarşı çığuı näticäsendä Ankara Quşma Ştatlar wäğdä itkän 30 milliard dollar finans yardämennän qolaq qağarğa mömkin. Moñarçı Investorlar Törkiägä bu yardäm bireläçäk dip ışana ide. Gul şulay uq, Ğiraqnı Törkiä parlamentınıñ qararın BMO qoral tikşerüçeläre belän xezmättäşlekne kiçekterü maqsatında faydalanmasqa çaqırdı.
XS
SM
MD
LG