Accessibility links

дүшәмбе, 5 декабрь 2016, Казан вакыты 11:36

Ukrainanıñ 4 töp oppozitsion partiäläre wäkilläre üzara bülenülärgä çik quyu häm Prezident Leonid Kuçma xökümätenä qarşı köräşne köçäytü yulları turında söyläşügä cıyıldı.


Oppozitsiä kongressında 1400-läp keşe qatnaşa. Alar arasında 4 töp oppozitsion partiäneñ citäkçeläre dä bar. Bu partiälär – reformaçıl Bezneñ Ukraina, Yulia Timoşenko blogı, kommunitstlar, häm sotsialistlar. Timoşenko oppozitsiäne kiläse prezident saylawlarında Kuçmağa qarşı berdäm front oyıştırırğa çaqırdı. Ul älege 4 partiäneñ cirle şuralardağı äğzaların üz ğämällären koordinatsiäläw öçen ilneñ barlıq urınnarında urtaq idarälär buldırırğa öndäde. Ämma oppozitsiä citäkçeläre bu kongress prezident wazıyfasına urtaq namzät kürsätüne maqsat itep quymıy dip belderde. Oppozitsiä Kuçmanı korrupsiädä, wazıyfasın yawız maqsatlarda faydalanuda häm jurnalist Heorhiy Gongadzenı ütertüdä ğäyepli. Kuçma bu ğäyepläwlärne kire qağa.

XS
SM
MD
LG