Accessibility links

шимбә, 3 декабрь 2016, Казан вакыты 22:47

AQŞ terror isemlegenә өç Çeçen oyışmasın kertte. Bu nәrsәne aŋlata?


Uzğan yılda ğına Russiәne Çeçnәdә tınıç xalıqqqa qarşı artığı belәn kөç qullanuda ğәyeplәgәn AQŞ , üzeneŋ pozitsiәsen üzgәrtte kebek. AQŞ өç çeçen tөrkemen terror oyışması dip iğlan itte

Mәskәvneŋ ber yıldan artıq tırışlığı cimeş birde. AQŞ Dәvlәt Departamentı өç Çeçen oyışmasınıŋ Al-Qaeda belәn bәylәneşe bar dip alarnı terror oyışması dip iğlan itte. Dәvlәt departamentı süzçese Richard Boucher Çomğa kөnge press-konferensiәdә Çeçen tөrkemnәre uzğan yılnıŋ Üktәber ayında Mәskәvdә 800-dәn küberәk totıq alu eşendә qatnaştılar dip belderde hәm Çeçen citәkçelәren terror aktların xөkem itәrgә çaqırdı.

Audio

"AQŞ bu qararı belәn Çeçen citәkçelәren terror aktların xөkem itәrgә hәm terror tөrkemnәre hәm alarnıŋ berektәşlәre belәn bulğan xәldә barlıq elemtәlәren өzәrgә çaqıra."

AQŞ Dәvlәt Departamentınıŋ terror oyışmaları isemlegenә kertelgәn өç tөrkem bolar: Islam International brigadası, mәxsus vazıyfalı Islam polkı hәm cafalanuçı Çeçennәrneŋ batalyonı. AQŞnıŋ terror oyışmaları isemlegenә kerü şunı aŋlata- Amerikan vatandaşlarına ul oyışmalarğa finans hәm maddi yardәm birü, Oyışma ağzalarına AQŞqa kerü tıyıla. Şulay uq alarnıŋ AQŞtağı aqça hәm mal-mөlkәte tuŋdırıla. Bolar AQŞnıŋ terror oyışmaları isemlegenә kertelgөn berençe Çeçen oyışmaları hәm bu adım Washingtonnıŋ Çeçen xәrәkәtenә qarata politikasın üzgәrtüen kürsәtә. AQŞ rәsmi şәxeslәre bu adım Russiәneŋ BMOsı Qurqınıçsızlıq Şurasında Ğıraqqa qarşı rezolutsiәne yaqlauı өçen künderü tırışlığı belәn bәylәngәn digәn qaraşnı kire qaqsalar da, bu mәsәlә rol uynıy dip әytergә bula. Ber ük vaqıtta Boucher Washington Çeçnә konfliktın tınıç yullar belәn xәl qılu mөmkin digәn fikerdә dip tә әytte.

Audio

"Çeçnә konfliktın xәrbi çaralar belәn xәl qılu mөmkin tügel, politik cişü yulın ezlәrgә kirәk digәn pozitsiәbez üz kөçendә qala."

Baucher Washington barlıq çeçen kөrәşçelәren terroçı dip xisaplamıy dip tә әytte. Çeçnәdә tınıçlıq өçen amerikan komitetınıŋ başqarma direktorı Glen Howard , radiobız xәbәrçesenә birgәn әngәmәsendә, bu adım belәn Ğıraq konfliktında Russiәneŋ yaqlauın alu arasında bәylәneş yuq digәn rәsmi raslaular mine ışandıra almıy dip әytte.

Audio

"Bu Çeçenәdәge humanitar tragediәne kөçlәnderәçәk hәm tağı da 10 meŋ çeçenne üterügә yul açaçaq."

Howardnıŋ süzlәrençә, Washington Çeçnә konfliktınıŋ politik yullar belәn xәl qılınuın teli dip beldersә dә, soŋğı adım bu mәsәlәne qıyınlaştıraçaq.

Audio

"Çeçnәdә terrorçı elementlar bar hәm alar bik naçar. Lәkin, bu qarar barlıq çeçennәrgә terror belәn bәylәneşle oyışmalar belәn elemtәlәre bar dip barmaq belәn tөbәp kürsәtü bulıp tora . Bu qarar şulay uq suğışqa qarşı bulğan, konfliktnı tınıç yullar belәn xәl qılunı ezlәgәn Mәskәvdәge ruslarnıŋ da eşen qıyınlaştıraçaq. Çөnki , Russiә alarğa " Hey sez nәrsә telisez. AQŞ bezne yaqlıy" dip әytәçәk."

Washington şulay uq Russiә, Britaniә, Qıtay hәm Ispaniyanıŋ yaqluı belәn BMOnnan şuşı өç Çeçen tөrkemen üzeneŋ terror oyışmaları isemlegenә kertüen dә sorayaçaq. Dәvlәt Departamentıŋ bu qararı ike yıldan soŋ üz kөçennәn çığa. Lәkin, Dәvlәt Sekretarı oyışmalar terror aktivlığın dәvam ittergәn xәldә, monıŋ mөddәten ozayta ala.

Fәrit Idelle, Praga
XS
SM
MD
LG