Çeçnya administratsiäse başlığı Äxmät Qadırovnıñ şimbä könne bulğan atışularda qatnaşuwın, Çeçnyanıñ Mäskäw taraflı prokurorı Vladimir Kravçenko bügen kire qaqtı. Bügen Rusiäneñ mäglümät çaraları, Mäskäw taraflı militsiäneñ häm Rusiä xärbiläreneñ şimbä könne Gudermes-Argun yulında çeçen suğışçıları utı astına elägüwen xäbär itte. Çeçnyanıñ Eçke Eşlär ministrı Rsulan Tsakaev, İtar-Tass agentlığına, bu bäreleşkä Qadırov maşinasınıñ da elägüwen äytte. Ämmä Kravçenko, İnterfax agentlığına, Qadırovnıñ anda bötenläy bulmağanın belderde. Alay da agentlıqlarnıñ ikese dä, qorbannar arasında 3 militsiä xezmätkäre häm 4 xärbi, dip xäbär itä.
