Sişämbe irtäsendä Prezident oçqıçqa utırıp, Saranskiğa kitmäkçe ikän. Nikolay Merkuşkin Mordoviä respublikası başlığı itep yañadan saylanğaç, anıñ inauguratsiäsenä Mintimer Şäymiev zurdan qubıp barmaqçı bulğan. Mordoviä häm Tatarstan, Merkuşkin häm Şäymiev eçke, sotsial', iqtisadıy mäsälälär buyınça da, Mäskäw belän üzençälekle mönäsäbätlär qoru buyınça da, ber-bersenä yaraqlaşıp xäräkät itälär. Mintimer Şäymiev kürşe-tirä töbäklärgä siräk bara. Şuña kürä sişämbe, 4 martta bulaçaq säfär häm Mordoviä tatarlarınıñ tormışı belän qızıqsınu Tatarstan respublikasınıñ bügenge säyäsäten häm plannarın çağıldıra.
