Accessibility links

җомга, 9 декабрь 2016, Казан вакыты 12:46

Mintimer Şäymiev Mordoviädä tatar mäsäläsen kütärä


Tatarstan Prezidentınıñ matbuğat üzäge xäbär itkänçä, Mintimer Şäymiev 4 mart könne Mordoviä başqalası Saranskida, qabat saylanğan respublika başlığı Nikolay Merkuşkinnıñ wazifağa kertüenä bağışlanğan Däwlät cielışınıñ tantanalı utırışında qatnaştı. Min kilä almıy buldıra almadım, dide ul, Nikolay Merkushkin minem küptänge dustım häm böten region citäkçeläre anıñ şulay küp tawış ciep saylawlarda ciñüenä şat, dide ul Saranskidağı utırışta. Mordoviä başqalasında 16 meñ tatar yäşäsä dä, tatar balalarınıñ milli tellärendä belem alu mömkinlege yuq, digän ul häm Mordoviä citäkçelären alarnıñ Tatarstandağı millättäşläreneñ niçek erzya, mokşa tellären öyrängänen qarap kitärgä çaqırğan. Ul şulay uk Mordoviädäge millättäşlärebezneñ «Yaqtaşlar» cämğiäte wäkilläre häm Tatarstan säwdä yortı citäkçeläre belän oçraştı.

Ä 5 martta Tatarstan Prezidentın Qazan piramidasında zarığıp kötälär. Mintimer Şäymievnıñ iñ danlıqlı xatın-qızlar belän oçraşuı bıyıl Piramida zalında ütäçäk. 8 mart, xalıqara xatın-qızlar könenä bağışlanğan bu çarada qatnaşu öçen bügen uk Qazanğa qunaqlar ciela başladı.

XS
SM
MD
LG