Accessibility links

шимбә, 10 декабрь 2016, Казан вакыты 06:08

Fiqrät Tabievqa 75 yäş tuldı


Tatarstannıñ räsmi gäzitläre sişämbe könne elekke respublika citäkçeläreneñ berse Fiqrät Tabievneñ tuğan könen bilgeläp ütüen, aña 75 yäş tuluın xäbär itte. Neft çığaru, neft ximiäse tarmağı üseşeneñ, KamAZ, Tübän Kama Neftexim, Qazan Orgsintez häm başqa zur şirkätläşlärgä nigez Fiqrät Tabiev respublika belän citäkçelek itkän çorda salınğan. Bügenge küzlektän qarağanda, ul zur säyäsätçe bulğan. Anıñ abruyın Tatarstanda ğına tügel SSSR däräcäsendä dä tanığannar. 1979 yılda ul SSSRnıñ Afğanstandağı wäkile bulıp eşli bağlıy, annan soñ RSFSR ministrlar şurasınıñ räis urınbasarı wazifaların başqara, SSSR tarqalğançı Yuğarı Şura deputatı bulıp eşlägän. Xäzerge köndä Fikrät Tabiev Mäskäwdä yäşi, säyäsätçelär isemlegendä bik kürenmäsä dä, ara-tirä anıñ biznes ölkäsendä aktiv eşläwe xaqında xäbärlär işetelep kitä.

Yubilärnı anıñ elekke xezmättäşläre Tatarstan Avtonomiä respublikasınıñ citäkçese bulğan Ğömär Usmanov, xäzerge Fännär Akademiäse Prezidentı Mansur Xäsänov häm Tatarstan Prezidentı Mintimer Şäymiev qotladı.

Bikä Timerova, Qazan

XS
SM
MD
LG