Accessibility links

шимбә, 3 декабрь 2016, Казан вакыты 14:51

11 sintäber xöcümnäreneñ avtorı sanalğan Xalid Şäix Möxämmät Paqstannan başqa urınğa küçerelde


Amerikan prezidentı George Buş, Äl-Qaidäneñ terror ğämällären äzerläwçe dip sanalğan, Xalid Şäix Möxämmätneñ qulğa alınuwı, Osama ben Laden çeltärenä zur zıyan kiterde, dip belderde. Baş prokuror John Ashcroft anı 11 sinätber xäcümnären töp oyıştıruçı dip atadı.

Ul arada Xalid Şäix Möxämmät Paqstannan başqa urınğa küçerelgän. Bu turıda bügen Paqstannıñ Mäglümät ministrı Säix Räşid äytte. Anıñ süzlärençä, Paqstan räsmiläre Xalidtän soraw alunı tämamlağan, häm ul şuşı töbäkneñ ber cirenä cibärelgän. Nindi urın ikänen ul äytmäde.

Ä menä Frans Press agentlığı, iseme äytelmägän räsmigä tayanıp, Xalidneñ Äfğanstanğa cibärelüwe turında xäbär itte. Kabul yanındağı Bagram hawa alalnında Amerikannarnıñ totqarlaw urını bar. Terorçılıqta ğäyeplänep qulğa alınğan keçelärdän soraw alu başta şunda ütä.

Amerikan räsmiläre äytüençä, alar Xalidtän yaqın könnärgä bilgelängän teror ğämälläre, häm Osama ben Ladennıñ qayda buluwı turında mäglümät alırğa ömetlänä.

XS
SM
MD
LG