Yevropa Berlegeneñ kiñäyü öçen cawaplı komissarı Günter Verhögen, Berlekkä alınaçaq qayber yaña äğza-illär 2006 yılda euro-aqçası zonasına quşılırğa äzer bulırğa mömkin, dip belderde. Verhögen süzlärençä, Macarstan, Sloveniä häm Estoniä Yevropanıñ urtaq aqçasın bilgelägän Maastricht taläplärenä yaqın tora. Xättä Polşa bu taläplärdän yıraq tügel, dide ul. Verhögen süzlärençä, bu illärneñ xäle, İspaniä, Portugaliä, Gretsiä häm İtaliäneñ, euro aqçasın kertügä 3 yıl qala bulğan xäle belän çağıştırğanda xättä yaxşıraq. Berük waqıtta Verhögen namzät illärne Berlekkä kerü protsessın aşıqtırmasqa çaqırdı. Berlekkä kerü taläpläre tirä-yün möxitne saqlawğa, infrastrukturağa zur investitsiälär kertüne taläp itä. Näticädä, namzät illärneñ büdjetlarına köç-kilergä mömkin.
