Accessibility links

сишәмбе, 6 декабрь 2016, Казан вакыты 13:21

İsraelneñ Haifa şähärendä şartlaw näticäsendä kimendä 15 keşe xäläk buldı


İsraelneñ tönyağında urnaşqan Haifa şähärendä, bügen ber avtobusta bulğan şartlaw näticäsendä kimendä 15 keşe xäläk bulğan, 40-tan artığı yaralanğan. Haifa politsiäse citäkçese Yakob Borovski, bu ğämälne şähit xöcüme dip atadı. Xöcümçeneñ ülgännär arasında bulu-bulmawı älegä bilgesez. Cawaplılıqnı älegä berkem dä üz östenä almadı. İsrael xökümäte süzçese Raanan Gissin xöcümgä tänqit belderde:

Audio: Bu – Fälestin citäkçeläreneñ terornı tuqtatu öçen ber çara da kürmäwen kürsätä, Fälestin xalqınıñ üzenä bik naçar näticälär kiterä.

Şartlaw näticäsendä avtobus tulısınça diärlek yanıp betkän. İsrael televideniese xäbär itüençä, avtobusta Haifa universitetı studentları bulğan.

Bügengä qädär İsraeldä soñğı bomba xöcüme 2 ay elek, 5 ğinwarda bulğan ide. Ul çaqta ike şähit-xöcümçe Tel Aviv urtasında üzlären şartlattı. Näticädä 23 keşe xäläk bulğan ide.

XS
SM
MD
LG