Accessibility links

дүшәмбе, 5 декабрь 2016, Казан вакыты 05:35

Fransiä, Germaniä häm Rusiä Ğiraq suğışın raslağan yaña rezolutsiägä veto salaçaq


Fransiä, Germaniä häm Rusiä Ğiraq suğışın raslağan rezolutsiägä yul quymayaçaq. Bu turıda bügen Fransiä Tışqı eşlär ministrı Dominique de Villepin bügen Parijda Rusiä Tışqı eşlär ministrı İgor İvanov häm Germaniä Tışqı eşlär ministrı Yoşka Fişer belän bulğan säyläşülärdän soñ ütkän matbuğat oçraşuında äytte. Anıñ süzlärençä, İminlek Şurasında veto xoquqına iä bulğan Fransiä belän Rusiä, mondıy rezolutsiäne ütkärmäs öçen, üz wäkäläten qullanaçaq. Germaniä İminlek Şurasında daimi äğza tügel, läkin xäzerge waqıtta Şurada räislek itä. İvanov süzlärençä, Şurada veto xoquqına iä bulğan Qıtay da näq şul fikerdä tora. Parijğa kiler aldınnan İvanov, bügen Londonda, Britan premier-ministrı Tony Blair belän oçraştı. Blair Ğiraqqa qarşı köç qullanuğa yul açqan yaña rezolutsiäne İminlek Şurası qabul itäçäk digän ışanıç beldergän ide. Yaña rezolutsiäne tikşerü waqıtı äle bilgelänmägän. Raketalarnı yuq itü genä citmi, ägär Saddam, BMO taläplären tulısınça ütäsä, yä urınınnan kitsä, suğını buldırmıy qalıp bula, dide ul.

XS
SM
MD
LG