Accessibility links

«Stalin tatarnıñ möstäqillegenä yulnı bikläde»


Ä xäzer ber möhim data turında. Ul Tatarstanğa turıdan-turı qağılmasa da, tatarlar öçen dä, ğomumän Sovet berlegendä yäşäwçe barlıq keşelär öçen dä bik möhim. 50 yıl elek 5 mart köne SSSRnıñ citäkçese Yosif Stalin wafat bula. Küp yıllar buyı Sovet ile belän idärä itep, tarixqa iñ qanlı diktatorlarnı berse bulıp kerep qalğan Stalin äle bügen dä küpçelek öçen bik qarşılıqlı şäxes bulıp qala birä. Anı ixlas küñeldän sağınuçılar, yaratuçılar da, şulay uq çın küñeldän qähärläwçelär dä bar. Xäyer, tarixçılar, ğalimnär dä bu şäxes turında älegä qädär üzläreneñ bäxäslären däwam itä. Şuşı kön uñayınnan bez dä Stalinnıñ tatar millätenä mönäsäbäten, tatarlarnıñ unıñ qulı astında tormışlar turında beler öçen, tarixçı, ğalim İndus Tahirovqa möräcäğät itärgä buldıq. Ul bezgä menä närsälär söyläde:

Audio: Tatarlarğa da, başqa xalıqlarğa da bu keşeneñ kitergän zararı iksez-çiksez. Ul kommunist bularaq kiläçäktä millätlärneñ betäçägenä ışanıp yäşägän häm monıñ öçen bik küpne eşlägän keşe. Häm şul maqsattan küpme xalıqnı yuq itte. Tatarlarnı ul berqayçan da yaratmadı. Anıñ böten eşlägän ğämäle tatarğa zararğa buldı. Zamanında Tatarstan belän Başqortstannı soyuzdaş respublika itmäs öçen ul barısın da eşläde. Tatarnıñ möstäqillegenä yulnı biklägän keşe näq menä Stalin. Üzebezneñ suverenitet turındağı deklaratsiäne qabul itkäç kenä, bez Stalin quyğan çiklärdän arınu eşen başlap cibärdek.

Sez ğalim İndus Tahirovnı tıñladığız. Ul 50 yıl elek 5 mart köne SSSRnıñ citäkçese Yosif Stalin wafat bulu uñayınnan, älegä şäxeskä üzeneñ mönäsäbäten, Stalinnıñ tatar milläte tormışına yasağan tä'sire turında söyläde.
XS
SM
MD
LG