Uzğan töndä İsrael xärbiläre Gaza sızığında, Cabalia qaçaqlar lagerında ütkärgän reid näticäsendä 11 Fälestinle xäläk bulğan, 140-tan artığı yaralanğan. Şahitlär äytüenä qarağanda, İsrael tankı, ber törkem keşegä ut açqan, näticädä 8 keşe xäläk bulğan. İsrael xärbiläre ber Fälestinle granatomettan ut açırğa ciena ide, ut şuña açıldı dip añlata. Tağın 3 Fälestinle atışular waqıtında xäläk bulğan. İsrael xärbiläre äytüençä, reid barışında Hamasnıñ ber citäkçese qulğa alınğan, suğışçılar yäşägän 3 yort cimerelgän. Hamas xäräkäte bu reid öçen üç alaçağın belderde. Kiçä Haifa şähärendä Fälestin şähite oyıştırğan şartlaw näticäsendä 15 keşe xäläk bulğan ide.
