Accessibility links

Ärmänstan opozitsiäse saylaw näticälärenä protest belderä


Bügen Yerevanda Ärmänstan opozitsiäse, kiçä ütkän prezident saylawları näticälärenä protest belderep demonastratsiä ütkärde. Anda meñlägän keşe qatnaştı. Räsmi näticälärgä qarağanda, ikençe turda xäzerge prezident Robert Koçarian ciñep çıqqan. Ul tawışlarnıñ 67-yarım protsentın alğan. Anıñ köndäşe Stepan Demirçian 32-yarım protsent ciğan. Demirçian bu näticälärne yalğan dip atadı häm Koçariannı Ärmänstanda diktatura urnaştıru niätendä ğäyepläde.

Tawış birüne küzätkän xalıqara küzätüeçlär, citdi tärtip bozular turında xäbär itä. Bu turıda bügen Yevropada İminlek häm Xezmättäşlek Oyışması törkeme citäkçese Peter Eicher äytte. Ärmänstan saylawların 200-läp xalıqara küzätçe küzätkän. Alar äytüençä, tawış birü waqıtında bülleten alıştıru, saylawçılarnı qurqıtu ğämälläre küzätelgän. Küzätüçelär fikerençä, bu saylawlar xalıqara taläplärgä cawap birmägän. Ä menä BDB illäreneñ küzätü törkeme başlığı Yuri Yarov saylawlarnı demokratik häm qanuni dip atadı. Ärmänstannıñ opozitsiä wäkilläre irtägä tağın ber demonstratsiä ütkärergä ciena.
XS
SM
MD
LG