Accessibility links

якшәмбе, 4 декабрь 2016, Казан вакыты 15:15

Tatarstan yazğı taşuğa äzerme?


Tatarstannıñ Ğädättäntış xällär ministrlığında bu könnärdä kübräk bäyräm turında tügel, ä yaqınlaşıp kilüçe cılı könnär xaqında uylıylar. Çönki yaz citü belän alar öçen awır waqıtlar citä. Monıñ säbäbe -- yazğı taşu. Älege ministrlıqta ütkän cıyılışta 20 martqa qädär respublikanıñ qotqaru xezmäte yazğı taşularğa tulısınça äzer bulırğa tieş, dip äytelde. Monıñ öçen kiçekmästän su basudan saqlanu çaraların kürä başlarğa kiräk. Älegä su basunıñ masştabları nindi bulır ikänen, Tatarstannıñ qaysı töbäklärenä ayıruça qurqınıç yanağanın tögäl äytep bulmıy, çönki gidrometeorologiä üzäge mondıy mäğlümätlärne berniçä kön aldan ğına äytä ala ikän. Xäyer, belgeçlär fikerençä, bıyıl ällä ni borçılırğa nigez yuq. Uzğan qışta yawğan qarnıñ ülçäme urtaça, şuña kürä yazğı taşu da ällä ni qurqınıç bulmasqa tieş. Alay da, aldan uq äzerlänep quyudan zıyan bulmas, digän fikerdä toralar Tatarstannıñ Ğädättäntış xällär ministrlığında.

XS
SM
MD
LG