Accessibility links

шимбә, 10 декабрь 2016, Казан вакыты 23:29

Musa Cälil bülägenä kemnär layıq buldı?


Şuşı könnärdä genä nihayät räsmi räweştä Musa Cälil isemendäge premiä laureatları iğlan itelde. Bu xaqta Tatarstannıñ Ministrlar Kabinetınıñ matbuğat xezmäte xäbär itte. 1997 yılda tapşırıla başlağan älege premiä fän, mäğärif, sänğät, ädäbiätkä kertkän zur öleşläre öçen yäşlärgä häm alar belän eşläwçelärgä tapşırıla. Premiäne tapşıru komissiäse barlıq bäygegä kilgän kandidaturalarnı tikşerep, 2003 yılnıñ Musa Cälil isemendäge premiäsen tübänlege keşelärgä birergä digän qarar çığarğan. Şulay itep, premiä lawreatları itep bıyıl yäş avtorlarğa yärdäm öçen «Mäğärif» milli näşriäteneñ direktorı Mödäris Wäliev, tatar cırın yäşlär arasında populyarlaştırğan öçen häm aktiv xäyriä eşläre alıp barğan öçen cırçı Salawat Fätxetdinov, yäşlär arasında patriotik tärbiä alıp barğan öçen Tatarstannıñ «Oteçestvo» yäşlär ictimaği oyışması häm talantlı balalar belän eş alıp barğan öçen respublikanıñ «Sälät» yäşlär ictimaği fondı bilgelände.

XS
SM
MD
LG