Tatarstannıñ mäğlümat çaraları güzäl zatlarıbızğa mädxiä cırlawnı däwam itälär. Comğa könne ul üzeneñ iñ biek noqtasına citkänder. Böten oyışmalarda da bügen şampan şärabı yılğa bulıp aqtı, çäçäk bäylämnäre yoldızlar yañğırı kebek yawdı, matur süzlär muzıka bulıp yañğırap tordı.
Çülmäkçedän kürmäkçe digändäy, şirkät başlıqları da, rayon häm şähär citäkçeläre dä bu mäsälädä Mintimer Şäymievneñ xatın-qızlarğa mönäsäbäten, möğayın, ürnäk itep alğannardır. Ser tügel, respublika citäkçese, cayı çıqqan sayın, üzeneñ xatın-qızlarğa bitaraf tügel ikäneñ raslap kilä. Ä Tatarstan cirlegendä mäxäbbätkä, yağımlı süzgä, ixtiramğa layıq ilahi zatlarıbız citärlek.
Qayber fiker öyränülärgä qarağanda, ir-zatlarnıñ 91% xatın-qızlarğa ixtiram kürsätergä kiräk, dip sanıy ikän. Çınbarlıqta isä küpmese xanım-tutaşlarnı örmägän urındıqlarğa utırtmıydır – äytüe qıyın. Läkin bernärsä küzgä taşlana – qıçqırıp torğan kontrast. Kemnärder söygännären şampan şärabı tutırğan vannalarda qoyındıralar, ä kemnärder, häm alar, älbättä, kübräk, layıqlı tormış ta kürsätä almıylar. Çönki räximsez reformalar cämğiätne baylar häm yarlılarğa bülep, alar arasındağı upqınnı tiränäytä häm kiñäytä bara.
Şulay da, bäyräm aldınnan här xatın-qız ömetlänep yäşi. Kemder ber bäyläm yazğı çäçäkkä, kemder yaqtı kiläçäkkä, kemder täwge mäxäbbätkä.
Çülmäkçedän kürmäkçe digändäy, şirkät başlıqları da, rayon häm şähär citäkçeläre dä bu mäsälädä Mintimer Şäymievneñ xatın-qızlarğa mönäsäbäten, möğayın, ürnäk itep alğannardır. Ser tügel, respublika citäkçese, cayı çıqqan sayın, üzeneñ xatın-qızlarğa bitaraf tügel ikäneñ raslap kilä. Ä Tatarstan cirlegendä mäxäbbätkä, yağımlı süzgä, ixtiramğa layıq ilahi zatlarıbız citärlek.
Qayber fiker öyränülärgä qarağanda, ir-zatlarnıñ 91% xatın-qızlarğa ixtiram kürsätergä kiräk, dip sanıy ikän. Çınbarlıqta isä küpmese xanım-tutaşlarnı örmägän urındıqlarğa utırtmıydır – äytüe qıyın. Läkin bernärsä küzgä taşlana – qıçqırıp torğan kontrast. Kemnärder söygännären şampan şärabı tutırğan vannalarda qoyındıralar, ä kemnärder, häm alar, älbättä, kübräk, layıqlı tormış ta kürsätä almıylar. Çönki räximsez reformalar cämğiätne baylar häm yarlılarğa bülep, alar arasındağı upqınnı tiränäytä häm kiñäytä bara.
Şulay da, bäyräm aldınnan här xatın-qız ömetlänep yäşi. Kemder ber bäyläm yazğı çäçäkkä, kemder yaqtı kiläçäkkä, kemder täwge mäxäbbätkä.
