Accessibility links

якшәмбе, 4 декабрь 2016, Казан вакыты 11:13

Çeçnyağa komandirovkağa – suğışqa


Pänceşämbe kiç ber törkem spetsnaz xärbiläre Qazannan Çeçnyağa yul tottı. Alar anda 3 ay buyı komandirovkada bulaçaqlar. Beznekelär Çeçnyanıñ iñ tuñğısız rayonnarınıñ berse – Vedeno tiräsendä maxsus operatsiälärdä qatnaşaçaqlar. “Вечерняя Казань” gazetası xäbär itkänçä, Qazannan häm Samaradan kilgän СОБР törkeme fivral axırlarında höcümgä duçar bulğannar. Samara otryadı komandirınıñ urınbasarı İğor Semenov häläk bula, ä ber qazanlı yaralana.

Älege xäbärlär Çeçnyada tınıçlıq urnaşa, ğäskärlär çığarıla digän räsmi belderülärne şik astına quya. Suğış betkän ikän – nigä anda töbäklärdän militsiä xezmätkärlären cibärergä? Ğäskär çığarabız, dip nibarı meñ genä xärbineñ qaytıp kitüe tiräsendäge şaw-şu referendum aldınnan küz buyawğa oşap tora.

XS
SM
MD
LG