New York. Berläşkän Millätlärneñ İminlek Şurasında bu minutlarda, qoral inspektorları citäkçese Hans Blixnıñ häm Xalıqara atom energiäse idaräse başlığı Möxämmäd äl-Baradeinıñ xisabın tıñlaw bara. Şura äğzaları arasında haman da, Ğiraqtağı inspeksiälärne däwam itü yäisä Bagdadqa qarşı köç qullanu mäs’äläsendä tirän qarşılıqlar qala birä. Veto xoquqı bulğan daimi äğzalar – Qıtay, Rusiä häm Fransiä – üzläreneñ xärbi köç qullanuğa qarşı buluwın belderä. İminlek Şurası utırışı tışqı eşlär ministrları däräcäsendä bara.
