Accessibility links

чәршәмбе, 7 декабрь 2016, Казан вакыты 11:45

Näfrät wä käferlärne üterügä öndäwläre öçen Londonda möselman ruxanie xökem itelde


London. Rasaçıl näfrät taratu wä üz tarafdarların käferlärne üterügä öndäwe öçen britan başqalasındağı ber möselman ruxanie bügen 9 yıllıq törmä cäzasına xökem itelde. Yamaykada tuğan, soñraq islamnı qabul itep London mäçetendä imam bulıp torğan Şäyex Abdulla äl-Fäysal, britannarnıñ terrorğa qarşı köräş alıp barğan maxsus politsiäse tarafınnan uzğan ayda qulğa alınğan ide. Ul, käferlärgä, ayırım alğanda yähüdlärgä häm amerikannarğa qarşı cihad iğlan itügä çaqırıp tasmağa maxsus öndämälär yazuda häm şularnı satuda, şunıñ aşa näfrät taratuda häm üterügä öndäwdä ğäyeplände. Şul tasmalarnıñ bersendä äl-Qai’dä törkeme citäkçese Osama bin Ladennıñ süräte häm tawışı da bulğan dip xäbär itelä. Äl-Fäysal üze tasmalardan cämäğätçelek öçen qurqınıç yanawnı kire qağa. 9 yıl törmädä utırıp çıqqannan soñ ul Britaniädän quwıp çığarıla ala, mäxkämä räise şundıy täqdim dä yasadı.

XS
SM
MD
LG