Accessibility links

Кайнар хәбәр

... häm anıñ tışqı eşlär ministrı üz ileneñ İminlek Şurasındağı qaraşına yaqlaw ezläp Afrika säfärenä çığarğa äzerlänä


Paris. Fransiäneñ tışqı eşlär ministrı Dominique de Villepin, üz ileneñ BMO İminlek Şurasında Ğiraq mäs’äläsendäge qaraşına yaqlaw ezläp Angola, Cameroon häm Cuineagä barırğa cıyına, şuşı öç il xäzerge waqıtta İminlek Şurası äğzası bulıp tora. Şuşı säfärenä fransuz ministrı irtägä çığaçaq, kire Parisğa ul sişämbedä qaytır dip kötelä. Fransiä Quşma Ştatlarnıñ İminlek Şurasında Ğiraqqa qarşı xärbi köç qullanunı küz aldında totqan yaña qarar qabul itärgä teläwenä qarşı çığa. Uzğan ayda Parisda uzğan Franko-Afrikan oçraşuwında Angola, Cameroon häm Guinea citäkçeläre Fransiäneñ Ğiraqtağı inspeksiälärne kiläçäktä dä däwam itü häm Bagdadnı tınıç yullar aşa qoralsızlandıru täqdimen yaqlağan ide. Köç qullanuğa fatixa birä alırlıq yaña qararnı qabul itterü öçen Quşma Ştatlar, Britaniä häm İspaniägä İminlek Şurasında kimendä 9 äğza ilneñ yaqlawın qazanu kiräk, şul maqsatta zur eşçänlek alıp barılsa da Waşington häm London älegä uñışqa ireşä almadı. Berläşkän Millätlär Oyışmasındağı amerikan wäkile John Negroponte üz ileneñ İminlek Şurasın yaña qararnı tawışqa kiläse sişämbedä quyunı ütende dip belderde. Ul arada Rusiäneñ tışqı eşlär minsitrı urınbasarı Yuri Fedotov ta, köç qullanuğa fatixa biräçäk qararnı qabul itügä Mäskäw teläsä nindi kirtä quyarğa äzer dip äytte.
XS
SM
MD
LG