Accessibility links

Кайнар хәбәр

“Xämäs” citäkçese İzrailgä qarşı yaña höcümnär yasaw belän kisätä


Gaza. Fälästin radikal’ törkeme “Xämäs”neñ yuğarı citäkçelärennän berse İsmail Haiyah, şuşı törkemgä nigez saluçılardan sanalğan İbrahim äl-Mäqädmäne ütergän öçen “Xämäs” İzrail citäkçelärennän kiläçäktä üç alaçaq dip belderde. Mäqädmä İzrail xärbiläre tarafınnan şimbä irtän yuq itelde, ul törkemneñ tağın 3 äğzası belän Gaza sızığında maşinada barğanda İzrailneñ xärbi boralağınnan aña ut açıldı. Şuşı höcüm näticäsendä maşinadağılar barısı da hälak buldı, tirä-yündäge tağın 6 keşe yaralandı. İsmail Haiyah İzrail ğäskärilären “terrorçılar” dip atadı häm alarnıñ bügenge ğämäle İzrail citäkçelärenä qarşı höcümnär yasaw öçen yulnı açtı dip belderde. Fälästin üzidaräse ministrı Saeb Eerekat, fälästin citäkçelege İzrailneñ şuşı höcümen mömkin bulğan iñ qırıs süzlär belän xökem itä dide. Uzğan atnada İzrailneñ tönyağındağı Hayfa şähärendä şähid höcüme oyıştırılğannan soñ İzrail Gaza sızığına üz ğäskärlären kertep andağı fälästin radikallarına qarşı çaralar kürgän ide.
XS
SM
MD
LG