Accessibility links

Кайнар хәбәр

Malta Yewropa Berlegenä quşılu referendumın ütkärä


Valetta. Yewropa Berlegenä quşılu telägen beldergän 10 nämzät il arasınnan berençe bularaq Malta bügen üzendä bu mäs’äläne xalıq qaramağına çığardı. Tawış birü Qazan waqıtı belän irtänge 9-da başlandı, häm ul kiçke 8-gä qädär däwam itäçäk. Şuşı referendum näticälären açıqlaw irtägä irtän başlanaçaq, berençel näticälär yäkşämbe töşkä kötelä. Tawış birügä qädär ütkärelgän fiker beleşülär Yewropa Berlegenä quşılırğa teläwçelärneñ yaqınça 52 protsent tiräsendä buluwın kürsätä, xalıqnıñ 20-läp protsentı moña “yuq” dip äytergä cıyına ide. Referendumnıñ näticäläre mäcbüri tügel, Yewropa Berlegenä quşılu-quşılmaw mäs’äläsen axırğı çiktä barıber utrawdağı parlament xäl itäçäk. Alayda Maltadağı referendumnıñ näticälären Brüsseldä dä, qalğan nämzät illärdä dä zur qızıqsınu belän kötälär. 2004-nçe yılnıñ mayında Yewropa Berlegenä quşılır aldınnan bar 10 ildä dä şundıy referndumnar üzarğa tieş, alar barısı da Kiprdan tış, kiläse 6 ay eçendä ütäçäk.
XS
SM
MD
LG