Accessibility links

җомга, 2 декабрь 2016, Казан вакыты 22:56

Qıtay millonlağan keşene taşlandıq cirlärdän küçerü planın bäyän itte


Pekin. Qıtay xökümäte bügen millionlağan keşene fäqirlek kiñ taralğan, yäşäw şartları öçen yaraqsız bulğan cirlärdän ilneñ başqa töbäklärenä küçerü planın iğlan itte. Xökümät tarafınnan maxsus tözelgän, fäqirlekne beterü törkemeneñ mödir urınbasarı Lu Feijie süzlärenä qarağanda, yäşäw öçen şartlar bötenläy bulmağan urınnardan här yılnı yartı million keşe küçereläçäk. Lu, Qıtayda bügenge köndä 28 million keşe şundıy şartlarda yäşi, häm alarnıñ 7 millionın inde aldağı 10 yıl eçendä başqa töbäklärgä küçerü taläp itelä dip belderde. Ul şulay uq, xalıqnı küçerü planınnan tış ikençe mömkinlekne dä telgä aldı, anıñ süzlärennän añlaşılğança, xökümät ilneñ şulay yıraq urnaşqan qorı poçmaqlarında yullar tözü häm elektr çeltäre buldıru kebek proyektlarnı da yaqlıy ala. Lu keşelärne Qıtaynıñ qaysı töbäklärenä küçerü xaqında berni dä äymäde, barı tik xökümät monı ixtiari räweştä genä eşliäçäk dip belderde.

XS
SM
MD
LG