Accessibility links

сишәмбе, 6 декабрь 2016, Казан вакыты 15:16

Tbilisidä mäğlüm gruzin xärbi citäkçese cirlände


Tbilisi. Bügen Gruziä başqalasında mäğlüm xärbi citäkçe, Jaba İoseliani cirlände. Şuşı yolada ilneñ prezidentı Eduard Şevardnadze, Gruziäneñ başqa yuğarı citäkçeläre qatnaştı. 76 yäştä bulğan İoseliani uzğan sişämbedä yöräk öyänägennän wafat bulğan ide. Mxedrioni dip atalğan yarım xärbi törkemne citäklägän şuşı şäxes Gruziäneñ sovetlardan soñğı tarixında zur urın tottı, anıñ şuşı törkeme Abxaziä häm Könyaq Osetiädä suğıştı, İoseliani şulay uq, 1992-nçe yılda şul çaqtağı prezident Zviad Gamsaxurdiagä qarşı fetnä dä oyıştırdı. Mxedrioni xakimiatkä Eduard Şevardnadzene kiterüçelärneñ berse bulsa da, soñraq prezident şuşı törkemne cinayätçelekkä bäyle buluda ğäyepläp çıqtı häm ul şunnan soñ tarqatıldı. 1998-nçe yılda Şevardnadzegä qarşı höcüm oyıştıruwı öçen İoseliani 11 yıllıq törmä cäzasına xökem itelde, läkin soñraq ul yarlıqaw qazandı.

XS
SM
MD
LG