Accessibility links

дүшәмбе, 5 декабрь 2016, Казан вакыты 03:26

Amerikan däwlät sekretare Quşma Ştatlarnıñ İminlek Şurasında yaqlawı bar dip belderä


Waşington. Quşma Ştatlarnıñ däwlät sekretare Colin Powell, Ğiraq mäs’äläsendä yaña qarar qabul itü öçen Waşingtonnıñ İminlek Şurasında citärlek yaqlaw qazanuwı bik ixtimal dip isäpli. Anıñ süzlärençä, Ğiraqqa qarşı suğış başlawğa fatixa biräçäk şul yaña qararnı yaqlap 9 yäsiä xätta 10 il tawış birä ala. Läkin Powell berük waqıtta, üzeneñ ber dä, Fransiä qararğa veto salğan oçraqta ğäcäplänmäyäçägen äytte. Quşma Ştatlar, Britaniä häm İspaniä, Ğiraqqa 17-nçe martqa qädär tulısınça qoralsızlanu taläben quyğan yaña qarar qabul itüne alğa sörä, şunnan soñ aña qarşı xärbi çaralar kürü küz aldında totıla. Fransiä, Rusiä, Qıtay häm Germaniä andıy qararnı qabul itügä qarşı çığa. Ul arada Fransiäneñ tışqı eşlär ministrı, üz ileneñ Ğiraq mäs’äläsendäge qaraşaların yaqlatu maqsatında säfär belän Angola, Cameroon häm Guineagä çığıp kitte, Afrikadağı şuşı öç il xäzerge waqıtta İminlek Şurası äğzası bulıp tora.

XS
SM
MD
LG