Accessibility links

Кайнар хәбәр

Distälägän meñ keşe İndoneziädä Ğiraq suğışına qarşı cıyında qatnaştı


Cakarta. İndoneziädä Ğiraq suğışına qarşı möselman ruxaniläre citäkçelegendä distälägän meñ keşelek cıyınnar uzdı. Başqala Cakartadan 675 çaqrımda yatqan Surabaya şähärendä “Nahdlatul Ulama” digän möselman oyışması Ğiraqqa qarşı suğış başlawnı kire qağıp açıq qırda namaz oyıştırdı, şuşı cıyında İndoneziäneñ elekke prezidentı Abdurrahman Waxid, ilneñ xäzerge tışqı eşlär ministrı Xäsän Wirajuda, dini eşlär ministrı Säyet Agil Xösäyen Almuhawar häm İndoneziäneñ qorallı köçläre başlığı general Ryamizard Ryacudu da qatnaştı. Dönyadağı iñ zur möselman däwläte bulğan İndoneziä, Quşma Ştatlarnıñ İminlek Şurası röxsäte belänme, ällä inde röxsätsez genäme Ğiraqqa qarata xärbi çaralar kürügä kisken qarşı çığa. Cakarta xökümäte Ğiraq mäs’äläsen barı tik Berläşkän Millätlär Oyışması qısalarında xäl itüne genä yaqlayaçağın belderä. İndoneziä başqalasınıñ üzendä dä bügen mäçetlärdä Ğiraq suğışına qarşı namazlar uqılıdı.
XS
SM
MD
LG