Accessibility links

дүшәмбе, 5 декабрь 2016, Казан вакыты 07:36

Malta referendumınıñ berençe näticäläre iğlan itelde


Valetta. Maltanıñ däwlät televideniäse bäyän itkän berençel mäğlümatqa qarağanda, utrawda şimbä kön uzğan referendumda anda qatnaşqan xalıqnıñ 52.7 protsentı Maltanıñ Yewropa Berlegenä quşıluwın yaqlağan, 44.7 protsentı monı kire qaqqan. Premyer-ministr urınbasarı häm berük waqıtta Yewropa yaqlı millätçelär partiäse wäkile Lawrence Gonzi älege sannarnı şunda uq zur ciñü dip bäyäläde. Başqala Valettada ul, bu Malta öçen menä digän näticä, häm irtägä inde utraw Yewropa Berlege äğzası bulıp uyanaçaq dip belderde. Saylawnı oyıştırğan räsmi wäkillär äytüwençä, tawış birüdä moña xoquqı bulğan xalıqnıñ 91 protsentı qatnaşqan. Yewropa Berlegenä quşılu telägen beldergän häm räsmi çaqıru alğan bar 10 ildä dä şundıy referendumnar üzarğa tieş. Maltanıñ mäğlümat ministrlığı, tawışlarnı sanaw äle dä däwam itä, häm räsmi näticälär yäkşämbe kiçen genä iğlan iteläçäk dip belderde. Referendumda yaqlanğan qaraş alay da Malta parlamentı öçen mäcbüri tügel.

XS
SM
MD
LG