Accessibility links

Кайнар хәбәр

Äfğanstanda Berläşkän Millätlär Oyışmasınıñ maşinası talanğan


Qabul. Äfğanstan başqalasınnan könbatışta Berläşkän Millätlär maşinasına höcüm yasalıp, ul talandı, läkin andağı keşelärgä zian kilmäde dip xäbär ietlä. Berläşkän Millätlär Oyışmasınıñ Qabuldağı wäkile Manoel de Almeida e Silva süzlärenä qarağanda, öç qorallı keşe comğa könne Wardaq wilayätendä Xalıqara Azıq-tölek programması maşinasın tuqtatıp, andağı äfğan xezmätkärläreneñ küzlären bäyläp, maşinadağı radio cihazlarnı, satelit telefonın häm bulğan aqçanı alğan häm tawlarğa qaçqan. Maşinadağı äfğannarnıñ ikese Berläşkän Millätlärneñ xezmätkäre bulğan, öçençese cirle yardäm oyışmasında eşlägän. Cirle xakimiat şuşı oçraqnı tikşerä başladı dip xäbär itelä.
XS
SM
MD
LG