Belgrad. Suğış cinayätläre qıluda ğäyeplängän Radovan Karadzicneñ ğailäse bügen, anıñ Serbiädä yäisä Çernogoriädä qaçıp yatuwın kire qaqtı. Bu xaqta “Dnevnik” basmasına anıñ tuğanı Luka Karadzic belderde. Şuşı atnada Haagtağı xalıqara mäxkämäneñ baş prokurorı Carla del Ponte, Bosniä suğışı waqıtında andağı serblarnı citäklägän Radovan Karadzicneñ Çernogoriä yäisä Serbiä cirlärendä qaçıp yatuwı xaqında äytkän ide.
