Accessibility links

шимбә, 10 декабрь 2016, Казан вакыты 00:29

Norlatta avtomobil çabışları


Xatın-qızlar bäyrämendä härkem üzençä qılandı, ämma iñ original' büläkne Norlat xakimiät başlığı Fatix Sibğätullin kürsätte. Avtomobil yarışlarında xäzergä xatın-qızlar qatnaşmasa da, näq güzäl zatlarğa bağışlap avtogonka oyıştırdı ul. Şunısı qızıq, Norlat avtomobil yarışında ciñel maşinağa utırıp, Parij-Dakar çabışlarında KamAZ belän ciñgän Firdäwes Käbirov berençe urınnı aldı. Bu yarışqa Yevropada iñ yuğarı urınnarnı yawlağan İlya Rezniçenko häm Radik Şäymiev qunaq bularaq kilgän idelär. Fatix Säwbän ulı xatın-qızlarğa bağışlap avtomobil yarışları oyıştırğaç, anıñ çaqıruınnan hiç baş tarta almadım, dide Radik Şäymiev. Jurnalistlar Sibğätullinnan sezne xatın-qızlar yaratamı, digän soraw birgäç, Norlat başlığı yuğalıp qalmadı. Min üzem dä alarnı yaratam, dip cawap birde Norlat başlığı.

İntertat.ru elektron gäzite bäyräm könnärendä mäşhür cırçılar belän äñgämälär bastırdı. Zilä Sönğätullina, Xaniä Färxi häm Gölnara Timercanova öçese öç törle, yäş ayırmaları, täcribäläre belän dä ayırılalar. Ämma härqaysı üzençä möläyem häm şöhrätle. Gölnara Timercanova yaña ğına säxnä türenä kütärelgän. Ul Xämdünä Timerğalieva belän berük yaqtan – Başqortstannıñ Boray rayonınnan. Zilä Sönğätullina Näqıy İsänbät yaqtaşı, Salawat rayonınnan. Xaniä Färxi isä, cırçı Salawat kebek ük Başqortostannıñ Täteşle rayonınnan. Başqortstan tatarları niqädär genä qıyırsıtıla disäñ dä, tatarça çığa torğan iñ berençe häm iñ bay İnternet gazetasında beryulı 3 güzäl Başqortstan qızınıñ Tatarstan yoldızı buluı küñellärne beraz yuatır.

XS
SM
MD
LG