Russiedä oyışqan cinayätçe törkemnär yäşlärneñ xıyalların qullanıp, alarnı qaranğı dönyanıñ artqı bülmälärenä yaba.Çit ildä turızm ölkäsendä eşläü, Amerikanıñ tanılğan moda jurnalı öçen modellek kebek eşlär yäş xatın qıznı da, ir atnı da qızıqsındıra. Räsmi sannarğa qarasan ütkän yılda Russiedän 7500 xatın qız küçep kitkän.Belgeçlär äytep kitkän sannan 20märtäbä artığraq xatın qız legal bulmağan yullar belän Gretsie, Törkie ,Portugaliegä çıqtı häm sex industriesendä eşlärgä mäcbür itelde dip äytä.Yaña qanun 3 töp mäsälägä qarıy: räsmilär cämäğätçelekne keşe belän säwdä turında yaqtırtaçaq, säwdä qorbannarı rehabilitatsielänäçäk, politsie bu eşlärgä qarşı aksielär küräçäk.Cinayätçe törkemnär keşe belän säwdä itüdän 7milliard dollar qazana. Yaña qanunnı äzerläw eşenä qatnaşqan deputat Yelena Mizulina Keşe belän säwdä itü global problema, terror häm narkotikadan soñ, oyışqan cinayätçelekneñ in yaman şäkle.Keşe belän säwdä , narkotika säwdäsenä qarağanda kübräk aqça kiterä. Xatın qıznı sex säwdäsenä cälep itü öçen törle metodlar qullanıla.Russie gazetalarında çit ildä turizm industriesendä eşläü öçen iskiterlek yaxşı mäğaşlar täğdim itkän iğlannar basıla .Xatın qız wäğdä itelgän eştä eşläü öçen kilgäç tä,anıñ dokument,pasportları alına häm faxişälekkä mäcbür itelä.Russie Fännär Akademiese Sotsial vä Ekonomik Tikşerülär İnstitutı xezmätkäre Yelena Turukanova Russiedän küpme xatın qız satıldı, bu turıda farazlar belderü qıyın, bu cinayät bulmağan öçen ber qayçan da küzätelmäde dip äytä.Turukanova älege waqıtta bez yılsayın Russiedän 160meñ xatın qız satıldı digän faraz gına belderä alabız dip äytä.. Räsmi tanılğan 7500 digän san , tik5% ğına täşkil itä.Satıluçılarnıñ50%tan artığı sex industriesenä tapşırıla. Alar Niederlandta bulğan kebek uramda , yäisä striptiz showları, faxişälek, yäki eskort kebek idenastı dönyasında eşli ala dip söyli Turukanova. Ul yaña qanunğa şik belän qarıy , bu fenomenne tuqtatu mömkin tügel ,çönki anıñ tamırları ekonomik sistemada di. Sotsial häm Ekonomik Tikşerülär İnstitutı xezmätkäre Turukanova qaraşınça, legal bulmağan migratsiene tuqtatıp bulmıy,ämma anı yaxşırtırğa kiräk,bu berençe adım ğına . Russiedäge cinayätçelekene uylağanda bu qanun xökümät tarafanınan raslanıp köçkä kersä dä, problemanı xäl qılmayaçaq digän fikerdä belgeçlär. Ämma andıy qanun bulmasa, cinayätçelär üzlären irekleräk xis itäçäk. Üktäber ayında İtalia politsiese häm Europolneñ urtaq operatsiesendä 80keşe qulğa alınğan ide. Alar Russie mafiasınıñ kiñ faxişälek çeltärenä qatnaşqan keşelär . Bu çeltärdä Russie, İtalya ,Avstrie, Portugalie, Ukraina häm Belarustan meñnnän artıq politsie, säyäxät burosı agentları, aftobus şirkäte,, qunaqxanä xucaları eşlägän.
Färidä Xämit, Praga
Färidä Xämit, Praga