Germaniä mäxkämäse 2000-nçe yılnıñ dikäberendä Fransiäneñ Strasbourg şähärendä bomba şartlatu niätendä ğäyeplängän, çığışı belän Aljirdan bulğan 4 keşegä xökem çığardı. Fransia watandaşları bulğan Aerobi Bendali, Sälim Buxari, Fuxad Sabur häm Lamin Maroni 10 yıldan alıp 12 yılğa qädär törmägä xökem itelde. Strasbourg’nıñ Raştua bazarında bomba şartlatırğa cıyınğan bu keşelär, 2000-nçe yılnıñ dikäberendä Germaniäneñ Frankfurt şähärendä qulğa alındı. Alarda qoral häm şartlatqıç tabılğan.
