Accessibility links

якшәмбе, 4 декабрь 2016, Казан вакыты 03:08

Mäxmüt Abbas Fälestinneñ berençe premier-ministrı bulaçaq


Fälestin Parlamentı bügen “xäkümät citäkçese” digän yaña urın buldırunı rasladı häm premier-ministr’ğa bireläse wäkälätlärne tikşerä. Fälestin citäkçese Yasir Arafat bu urınğa üzeneñ küptänge urınbasarı Mäxmüt Abbasnı täqdim itte. Arafatnıñ Ramalladağı utırmasında ütkän utırışta 78 deputat qatnaştı. Tağın 10 deputat Gaza şähärennän video-elemtä aşa qatnaştı. Alarğa Könbatış yarğa baru İsrael tarafınnan tıyılğan.

Fälestinneñ yaña premier-ministrın buldırunı İsrael belän Fälestin arasında solıx söyläşüläre başlarğa çaqırğan xalıqara aradaşçılar taläp itte. Quşma Ştatlar häm İsrael şulay uq, Yasir Arafatnıñ tä’siren kimetergä teli. Ämmä küzätüçelär fikerençä, yaña premier bilgelänügä qaramastan, Arafat, iminlek köçläre belän idarä itüne häm İsrael belän söyläşlär mäsäläsen üz qulında totaçaq.

Ul arada bügen İsrael xärbiläre Gaza sızığınnan ğäskär çığara başlağan. Uzğan atnada alar anda “iminlek zonası” buldırğan ide.

XS
SM
MD
LG