Accessibility links

дүшәмбе, 5 декабрь 2016, Казан вакыты 13:40

Çexiä premyer-ministrı Vladimir Şpidla parlamenta ütkärelgän tawış birüdä ışanıç yawladı.


Şpidlanıñ 3 partiäle koalitsiäse 200 urınlı tübän palatada 101 tawışqa iä. Bügen ütkärelgän tawış birüdä dä tawışlar näq şulay bülende. Koalitsiädägelärneñ barısı da xökümätkä ışanıç belderde, koalitsiägä kermäwçelärneñ barısı da qarşı tawış birde. Çexiädä bu xökümät uzğan cäydän birle eşläp kilä. Älege krizis 10 kön elek Şpidlanıñ Sotsial Demokratlar partiäseneñ qayber äğzaları parlamentta prezidentlıqa oppozitsiä namzäten yaqlap tawış birgännän soñ başlandı. Parlamenttağı ul tawış birü näticäsendä Çexiä prezidentı itep Vaslav Klaus saylandı. Klaus anda 1 tawış östenlek belän ciñep çıqtı. Şunnan soñ Şpidla parlamentta xökümätkä aşanıç mäs’äläsen tawışqa quyunı taläp itte.

XS
SM
MD
LG