Accessibility links

пәнҗешәмбе, 8 декабрь 2016, Казан вакыты 11:05

Bügen Haagada Xalıqara Cinayätlär Mäxkamäse üzeneñ berençe utırışın ütkärde.


Bu mäxkamä xalıqara suğış cinayätlären qaraw belän şöğellänüçe berençe daimi mäxkamä. Mäxkamäneñ eşkä kereşü tantanalarınıñ ber öleşe bularaq 18 xäkim ant itte. Bu tantanalarda BMO general’ sekretare Kofi Annan da qarnaştı. Yewropa Şurasınıñ parlament cıyını citäkçese Peter Schieder bu mäxkamäneñ oyışuı diktatorlarğa üz ğämälläre öçen cawaplı buluların islärenä töşeräçäk dide. Anıñ äytüençä, bu mäxkamä kiläçäk cinayätlärdän totqarlaw çarası bularaq xezmät itärgä mömkin. Schieder bu mäxkamägä quşılmağan barlıq illärne dä kiçekmästän quşılırğa çaqırdı. Ul, şulay uq, mäxkamägä quşılğan illärne mäxkamäneñ eşenä zian kiterüçe, qağılğısızlıq turında ikeyaqlı kileşülär tözüdän tıyılırğa çaqırdı. Xalıqara Cinayätlär mäxkamäsenä quşılmağan AQŞ 22 il belän şundıy kileşü tözede. Bu kileşülär nigezendä AQŞ watandaşları älege mäxkamä taläbe belän qulğa alına almıy.

XS
SM
MD
LG