Yewropa berlegeneñ tışqı säyäsät öçen cawaplı ölkän wäkile Javier Solana berlekneñ 300-400 keşelek xärbi törkeme Makedoniädä tınıçlıq saqlawğa kereşäçäk dide.
Solana bu belderüen Brüssel’dä Yewropa Berlege häm NATO ilçeläre, säyäsi citäkçeläreneñ urtaq oçraşuında yasadı.
Anıñ äytüençä, Yewropa Berlege eş planın äzerläp NATO-ğa tapşırğan. NATO bu plannı öyrängännän soñ Yewropa Berlege wäkilläre belän yañadan oçraşaçaq.
Makedoniädä NATO tınıçlıq ğäskärläre 2001-nçe yılnıñ sentäbrendä xökümät ğäskärläre belän alban ğisyançıları arasındağı bäreleşlärne tutqtatu turındağı solıx kileşüennän soñ urnaştırıldı.
