Accessibility links

Кайнар хәбәр

BMO İminlek Şurası Ğıraq mä''läsendä äle dä urtaq tel taba almadı


BMOsında qızu diplomatie däwam itkändä ,AQŞları belän Britanie qısqa waqıtta Ğıraqqa suğış başlauğa yul açaçaq rezolutsiene yaqlatu öçen İminlek Şurasında 9 äğzanıñ tawışın alırğa tırışa. Quşma Ştatları Şurada qarar birmägän 6 ilneñ Bagdadqa qoralsızlanu öçen 45kön birüne küzdä totqan täqdimen kire qaqtı. Şul arada İminlek Şurası äğzası bulmağan Kanada kompromis täqdim yasap,iqtibar cälep itä. Ul qoralsızlanu taläplärenä buysınuın kürsätü öçen Bagdadqa 3 atna waqıt tanıy.

BMOsı İminlek Şurasındağı qatı qarşılıq kürsätü säbäple AQŞ belän Britanie yaña rezolutsielären tawışqa quyunı atna azağına qädär kiçekterde. Ğıraqta Al samud raketaların yuqqa çığaru eşe däwam itä. Qoral tikşerüçeläreneñ citäkçese H.Blix Ğıraqnıñ qoralsızlanuı öçen kürergä tieşle çaralarnıñ tögäl isemlegen kiläse atnada biräçägen belderde. İminlek Şurasında utırğan 15 il wäkilläre sişämbe häm çärşämbedä Ğıraq turında açıq debatlar alıp bara. Ämma yabıq işeklär artında qızuraq debatlar bara. Waşingtonda Prezident Bush 17 martqa qädär Bagdadqa waqıt tanığan rezolutsiene İminlek Şurasındağı 9 äğzağa qabul itterü öçen telefon diplomatiese alıp bara.. Bu rezolutsie Ğıraq suğışın legitimlaştırır ide. Bilgele bulğança Fransie belän Russie, bu qararnı kiräk bulsa qalsa veto salıp tuqtatu belän yanağan ide. Waşington rezolutsie ütärme ,yuqmı nigezdä ällä ni borçılmı , çönki ul kiräk bula qalsa BMOsı mandatı bulmasa da suğışqa baraçağın äytep quydı. Tik anıñ in ışanıçlı berektäşe Britanie, döresräge premier T.Blair bik qıyın xäldä. Bagdadta rejimnı üzgärtkänçe Londonda xakimiätneñ üzgärü ixtimale arta başladı. Blair xärbi köç qullanu öçen BMOnıñ mandatı bulırğa tieş digän qatı basım astında tora, ministır, deputatları çigenü belän kisätä. Waşington berektäşe Blair öçen küp bulmasa da qayber kompromislarğa barır şikelle. Ämma Bush administratsiese İminlek Şurasında qarar birmägän 6 il- Angola, Kameron, Ginea Meksika häm Pakstannıñ Ğıraq öçen 45 kön waqıt taläp itüen kire qaqtı. Süzçe A. Fleischer (audio) ,prezident Bush kübräk diplomatie öçen bik az urın , ämma waqıt yuq dip uylıy, Ğıraqnıñ qoralsızlanuın kürsätü öçen 30 , 45 kön digän täqdimnär faydasız dip äytte . Fransie veto belän kisätkännän soñ sişämbedä dialog-qa açıq buluın belderde, şulay da tışqı eşlär minsitırlığı süzçese Fransie ultimatum yäki aftomatik räweştä Bagdadqa köç qullanunı mäqsat itep quyğan rezolutsielärgä röxsät itmiäçäk dide . İminlek Şurası äğzası bulmağan Kanadanıñ tözältmälär kertelgän eleke kompromis täqdime iqtibar cälep itte. Ul BMO nıñ qoralsızlanu taläplärenä tulısınça cawap birüen kürsätü öçen Bagdadqa 3 atna waqıt birä. Şulay bulmasa köç qullanılaçaq dip belderä Kanadanıñ rezolutsie proyektı . AQŞ belän Britanie İminlek Şurasında köç qullanuğa röxsät birgän rezolutsiene ütkärü öçen Bagdadqa quyılğan 17nçe mart ultimatumın ozaytırğa, östämä berniçä kön birergä äzärlänä. Diplomatlar belkim dä 21 yäki 24nçe martqa qädär waqıt bireler ämma Qıraq qayber qoralsızlanu taläplärenä cawap birergä tieş bulaçaq di. Premier ministır T.Blair çärşämbedä parlamentta (audio) Äyye ikençe rezolutsiene tawışqa quyu bezneñ mäqsat bulıp tora .Bez monıñ öçen eşlärgä däwam itäbez häm küpçelek BMO nıñ aftoritetın raslayaçaq dip söyläde. Blair Fransie belän Russiene veto salmasqa çaqırdı. Ul veto Saddamnı qoralsızlandırunı ğına tügel ä BMO dağı berdämlekne dä qurqınıç astında qaldırır ide dip äytte Xabärlärgä qarağanda ikençe rezolutsie proyektına 6 şart östälä.Bolar : Saddam Xösäin televidiniedä çığış yasap, küpläp üterü qoralların yäşergän buluın iqrar itep xäzer alardan wazkiçergä äzer buluın belderäçäk. Saddam inspektorlarğa ängämä birü öçen 30ğalimgä ğailäläre belän Kiprğa kitergä röxsät birergä , tülämä häm başqa biologik ximik qoralların tapşırırğa şulayuq törle ximik maddälärne yıraq distansielärgä sibä alğan pilotsız oçqıçlarınıñ buluın faş itergä tieş. Farsı Qultığında 250meñ ğäskärie kötkän AQŞnıñ sabır qazanı taşırğa tora. Saqlanu ministırı Rumsfeldneñ Londonnın xärbi role bilgesez , Britanie belänme ansızmı Amerika Saddamnı qoralsızlandıraçaq digän süzläre Waşington belän London arasında kierenkelekne arttırıp ciberde. Läkin soñraq pentagon belderüendä, Rumsfeld suğış bulğan xäldä Britanieneñ zur yardäme bulaçağına ışanabız dip äytep wazğiätne sülpäneytte.

Färidä Xämit ,Praga
XS
SM
MD
LG