Accessibility links

шимбә, 3 декабрь 2016, Казан вакыты 12:32

Törkiäneñ AQŞ xärbiläre urnaşqan İskenderun portında yözlärçä keşe demonstratsiägä cıyıldı.


Biredä Amerikan xärbiläre Ğiraqqa qarşı xärbi çaralarğa äzerlänä. Demonstratsiäçelär törkeme suğışqa qarşı häm amerikağa qarşı şiğarlär qıçqırıp port qapqaların bärep kerü omtılışı yasadı. Politsiä kisätü öçen hawağa utlı qoraldan attı. Anadolu xäbär agentlığı äytüençä, berniçä demonstratsiäçe soraw alu öçen totqarlanğan. Soñraq demonstratsiäçelär törkeme taralğan. Töreklärneñ küpçelege kürşe möselman ile Ğiraqta suğış başlanuğa qarşı çığa. Bu ayda Törkiä parlamentı Amerikan xärbilären bulırğa mömkin Ğiraq suğışında qatnaşu öçen Törkiägä kertü täqdimen kire qaqtı. Xäzer törkiä citäkçeläre bu mäs’äläne tağın ber märtäbä parlamentta tawışqa quyu turında uylana. Quşma Ştatlar ikeyaqlı kileşü nigezendä İskenderunğa cihazlar kitergän ide.

XS
SM
MD
LG