Accessibility links

шимбә, 3 декабрь 2016, Казан вакыты 14:44

Yewropa Şurasınıñ keşe xoquqları mäxkamäse Törkiäneñ Körd ğisyançıları citäkçese Abdulla Ocalan xökem itelgän mäxkamä eşen tänqitläp çıqtı.


Ocalan ğömerlek törmä cäzasına xökem itelgän ide. Ul Törkiäneñ ber utrawındağı törmädä totıla. Yewropa mäxkamäse Ocalan eşe qaralğan mäxkamä ğädel bulmağan, çönki qayber tıñlawlarda xärbi xäkim qatnaşqan, häm Ocalanğa üz advokatları belän küreşü waqıtı çiklängän dip belderde. Törkiä xäzer Ocalannı yañadan xökem itärgä tieş, ämma bu mäcbüri tügel. Törkiä Ocalan citäklägän Kördstan Eşçelär Partiäse tarafınnan ilneñ könyaq-könçığışında möstäqil körd däwläte tözü öçen alıp barılğan 16 yıllıq höcümnär näticäsendä 30 meñläp keşe ülde dip monıñ öçen Ocalannı ğäyepli. 1999-nçı yılda mäxkamä Ocalanğa ülem cäzası bilgeläde. Ocalan bu xökem qararın ğämäldän çığarunı sorap möräcäğät itkännän soñ, häm 2002-nçe yılnıñ üktäbrendä Törkiädä ülem cäzası beterelgännän soñ aña ğömerlek törmä cäzası bilgelände. Ämma Ocalan xäzer dä üzenä qarata tieşle möğämälä kürsätelmäwgä zarlana.

XS
SM
MD
LG