Accessibility links

шимбә, 3 декабрь 2016, Казан вакыты 07:53

26 aprelgä qädär Prezident qanunğa qul quyıp ölgererme?


Däwlät Şurasında Prezidium utırışı buldı. Anda kiläse plenar utırışqa çağarılası mäs’älälär tikşerelde. Mäsälän, Prezidium 8 mäs’äläne täqdim itkän, alar arasında milli-mädäni berläşmälär, mäşğüllek häm sälämätlek saqlaw turındağı qanunnar bar. Şunıñ belän bergä anda «bäyrämnär häm istälekle könnär» turındağı qanun 3 nçe uqılışta qabul itelergä tieş. 26 aprelgä qädär, qanunğa Prezident ta qul quyıp ölgersä, Tuqaynıñ tuğan köne - tuğan tel köne bularaq räsmi räweştä bilgeläp üteläçäk. 11 aprelgä bilgelängän plenar utırışta, şulay uk, keçe eşmäkärlekne üsterü turındağı däwlät programması da raslanırğa tieş. Şunısı qızıqlı, Kama Alanında Atom elektr stansiäseneñ tözeleşen yañartu turındağı mäs’älä ütkän plenar utırışnıñ kön tärtibennän töşep qalğan ide, 11 aprel’dä bulası utırışqa kertelerme, yuqmı äle bilgele tügel.

XS
SM
MD
LG