Accessibility links

якшәмбе, 11 декабрь 2016, Казан вакыты 07:16

Vasiliy Lixaçev üzeneñ Evropa Berlegendäge eşen tämamlıy


Prezident Vladimir Putinnıñ, elekke salım politsiäse citäkçese Mixail Fradkovnı Rusiäneñ Evropa Berlegendäge wäkile itep bilgeläwe turında xäbär çıqqaç, Tatarstandağı säyäsätçelär borçılıp quydı. Çönki Evropa Berlegendä elek respublikada iñ yuğarı känäfilärdä utırğan üz keşebez Vasiliy Lixaçev eşli ide. Ber Qazan gäzite anıñ belän elemtägä çığıp, Vasiliy Nikalay ulınıñ kiläçäk yazmışı belän qızıqsındı.

Bruselldä inde 5 yıldan artıq eşläp, kiläçäk turında uylansa da, Vasiliy Lixaçev öçen kiçäge xäbär barıber kötelmägän bulğan. Anıñ äytüenä qarağanda, wäkillärne ber köndä genä alıştırıp bulmıy, bu eşneñ ozaq waqıt taläp itä torğan bilgele ber tärtibe bar. Bu urınğa nämzätne äle Evropa yağı da raslarğa tieş ikän. Vasiliy Lixaçev beldergänçä, xäzer Rusia-Evropa Berlege sammitına äzerlek alıp barıla. Ul 31 mayğa bilgelängän bu proetktnı axırına qädär alıp barırğa niätli. Ä üzeneñ yazmışına qağılışlı Putin qararın Vasiliy Lixaçev cäygä taba ğına kötä. Şulay itep, elekke parlament citäkçeseneñ Rusiä säyäsätçeläre rätenä kilep quşıluı yäki Tatarstanğa qaytuı turındağı sorawğa tiz arada cawap birep bulmıy.

XS
SM
MD
LG