Accessibility links

шимбә, 3 декабрь 2016, Казан вакыты 12:48

«Watanım Tatarstan» gäzitenä 85 yäş tuldı


12 martta «Watanım Tatarstan» gäziteneñ çığa başlawına 85 yıl tuldı. Şul uñaydan, Tatarstan Prezidentı Mintimer Şäymiev tä, gäzitkä qotlaw telegrammasın yulladı. Xäteregezdä bulsa, Mintimer Şäymiev üzeneñ yıllıq yullamasında näq şuşı gäzitkä tänqit süzlären beldergän ide. Läkin bu qotlawda tänqitkä urın birelmi. «Gazeta respublikabızdan çittä yäşäwçe millättäşlärebezneñ tormış könküreşen, alarnı borçığan problemalarnı da iğtibar üzägendä tota. Anı bügen Russianeñ 30 artıq töbägendä yazdırıp alalar, yaratıp uqıylar.» - dielä anda. Qotlawnıñ axırında Prezident yullamada äytelgän fikeren, yomağrak däräcädä bulsa da, barıbez qabatlıy : ««Watanım Tatarstan» gäzite kiläçäktä dä güzäl traditsiälärenä tuğrılıqlı bulıp qalır, respublikabıznıñ mäğlümat mäydanında äydäp baruçı basma bulır, dip ışanam» . Gäzitneñ çärşämbe sanı bäyrämçä bizälep çıqtı, anda basmada elekke yıllarda eşlägän jurnalistlar çığış yasadı, gäzitkä ozaq yıllar tuğrılıq saqlağan uquçılarnıñ xatları basıldı.

Bikä Timerova, Qazan.

XS
SM
MD
LG