Accessibility links

шимбә, 10 декабрь 2016, Казан вакыты 08:25

Aq Yort, BMO İminlek Şurasında qabul itü öçen citärlek yaqlaw bulmasa da, Ğiraq suğışına yul açaçaq yaña resolütsiäne tawışqa quyarğa teläwen belderde.


Aq Yort süzçese Ari Fleischer, ägär dä kiçekterü kiräkle yaqlawnı arttırırğa yardäm itsä, Prezident George Bush tawış birüne kiläse atnağa qädär kiçekterä ala dide. Bügen Ğiraq Britaniäneñ BMO İminlek Şurasında Ğiraqnı qoralsızlandıru turında üzgärtelgän resolütsiä qabul itü täqdimenä qarşı çıqtı. Ğiraq tışqı eşlär ministrı Naji Sabri andıy rezolütsiä suğış planına tiñ bulaçaq dide. Kiçä Britaniä, Ğiraqqa suğıştan qotılıp qalu öçen 6 taläp quyıp alarnı BMO rezolütsiäse proyektına kertergä teläwen belderde. Bügen Russiä tışqı eşlär ministrı İgor’ İvanov Russiä Britaniäneñ täqdimen isäpkä alaçaq dip belderde. Şul uq waqıtta İvanov Russiä Ğiraq suğışına yul açuçı härtörle rezolütsiägä veto salaçaq dip äytte. Qıtay Britaniä täqdimen isäpkä aluın beldersä dä, Ğiraq turında yaña rezolütsiä qabul itü zarurlığı yuq dide. Germaniä bu täqdim BMO İminlek Şurasında kompromiska kitermäs, çönki alar asılda Ğiraq suğışına fatixa birä dip belderde. Fransiä bu täqdim töp maqsatqa – tınıç yul belän qoralsızlandıru krizisın çişügä yardäm itmi dide. Fransiä tışqı eşlär ministrı Dominique de Villepin belderüendä Fransiä ultimatumnar mantıyğın kire qağa dielä. Britaniä tışqı eşlär ministrı Jack Straw Fransiäneñ bu täqdimnärneñ asılı turında uylap ta tormastan alarnı kire qağuına ğäcäplänüen belderde.

XS
SM
MD
LG