Accessibility links

якшәмбе, 4 декабрь 2016, Казан вакыты 15:23

Belgradta kiçä atıp üterelgän Serbiä Premyer-ministrı Zoran Djindjiç belän xuşlaşu çaraları ütä.


Xökümät binası qarşında qızğanıç belderü kitabına imza quyu öçen yözlärçä keşelek çirat tezelde. Bügen Belgradta Yewropa Berlegeneñ tışqı säyäsät öçen cawaplı ölkän wäkile Javier Solana Serbiä citäkçeläre belän oçraşa. Djindjiç belän xuşlaşu yolasında Yewropa Berlegeneñ tışqı mäs’älälär komissionerı Chris Patten da qatnaşa. Ul Serbiä citäkçelärenä Djindjiçnıñ üterelüe säbäple ildäge demokratik protsesslarnıñ çigenüenä yul quyılmayaçaq dip äytäçägen belderde. Çernogoriä premyer-ministrı Milo Djukanoviç Djindjiçnıñ üterelüen demokratiägä qarşı çirqanıç höcüm dip atadı. Bügen Serb politsiäse premyer-ministrnı üterüdä ğäyeplänelüçe cinayätçe törkemgä turıdan turı yäki başqaça bäyle bulğan 40-lap keşene qulğa aldı. Ämma Belgrad politsiäse başlığı Milan Obradoviç äytüençä, töp şiklelär, şul isäptän törkemne citäkläwdä ğäyeplänüçe, elekke maxsus köçlär başlığı Milorad Lukoviç qulğa alınmağan. Matbuğat oçraşuında Obradoviç Djindjiçqa höcüm turında täfsilleräk mäğlümät birde. Anıñ äytüençä, höcümdä 3 keşe qatnaşqan. Alarnıñ 2-sendä pistolet bulğan. Öçençese Djindjiç xökümät binası qarşında maşinasınnan çıqqaç binadan 60 metr yıraqlıqtağı yortnıñ 2-nçe qat täräzäse aşa märgän mıltığınnan atqan. Djindjiç şimbä könne Belgradnıñ töp ziratında cirlänäçäk.

XS
SM
MD
LG