Accessibility links

чәршәмбе, 7 декабрь 2016, Казан вакыты 00:57

Qazanda Federatsiä Şurasınıñ Federatsiä eşläre häm töbäk säyäsäte komitetı küçmä utırış ütkärä


Näq şuşı könnärdä Qazanğa Rusiä Federatsiä Şurasınıñ federatsiä eşläre häm töbäk säyäsäte komitetı äğzaları kilüendä dä ber mäğnä bulır. Älege delegatsiäne komitet räise Aleksandr Kazakov citäkli. Komitetnıñ Tatarstanğa tulı sostavı belän diärlek kilüeneñ töp säbäbe, töp maqsatı bilgele. 14 mart könne Tatarstannıñ Däwlät Şurasında älege komitet küçmä utırış ütkäräçäk. Tema: “Rusiä Federatsiäse subyektlarınıñ zakon çığaru häm başqarma däwlät xakimiäten oyıştırunıñ ğomumi prinsipları turındağı federal' qanunğa üzgäreşlär häm östämälär kertü, qanun proyektın eşläp beterü”. Älege qanun proyektı 21февральдә Rusiä Däwlät Dumasında berençe uqılışta qabul itelde. 13 mart könne Rusiä Federatsiä Şurası äğzaların Mintimer Şäymiev qabul itte häm soñınnan alar Qazan belän tanışıp yördelär, dielä räsmi xäbärdä.

Şulay uq räsmi mäğlümat çaralarında Qazanğa tağın ber delegatsiä – Xantı-Mansı avtonom okrugınıñ eşmäkärläre kilüe turında xäbär itälär. Alarnıñ maqstı 2002 yılda Tatarstan belän Xantı-Mansı avtonom okrugı arasında iqtisadi säwdä ölkäsendä xezmättäşlek kileşüen tormışqa aşıru ğämälläre.

XS
SM
MD
LG