Accessibility links

шимбә, 3 декабрь 2016, Казан вакыты 01:24

Tatarstanda İlham Şakirov isemendäge al'ternativ “Tatar cırı” bäygese başlanıp kitte


www.intertat.ru respublikada İlham Şakirov isemendäge tatar cırın başqaruçılar bäygese start aldı, dip xäbär itä. Başqaruçılar bäygese dielsä dä, küplär bu bäygeneñ ğinwar ayında ütkän “Tatar cırı-2002” bäygesenä al'ternativa buluın añlıylar. Çönki küplär maxsus, tar dairälär öçen genä oyıştırılğan häm kommersiäläşterelgän bäyge belän genä qänäğätlänmädelär. İlham Şakirov isemendäge bäyge öç turda ütkärelä, häm saylap alu turı rayonnarda ütkärelä. 11 mart könne berençe tur Bua töbägendä ütte. Çiratta Saba, Sarman, Çallı, Älmät, Çistay, Balıq Bistäse häm Qazan. İkençe häm öçençe turlar aprel' azağında Qazanda Tuqay isemendäge Tatar däwlät filarmoniäse zalında ütäçäk. Biredä inde ciñü sızığına çığuçılarnı İlham Şakirov citäkçelegendäge märtäbäle jyuri tıñlayaçaq.

Yunıs Ätnäle, Qazan

XS
SM
MD
LG