Accessibility links

Кайнар хәбәр

AQŞ Prezidentı George Bush Yaqın Könçığışta tınıçlıq urnaştıru planı fälestinlelär üzläreneñ yaña premyer-ministrın raslağaç iğlan iteläçäk dip belderde.


Bügen Aq Yortta çığış yasap Bush İzrail’däge saylawlardan soñ tınıçlıq urnaştıru öçen yaña omtılış başlarğa waqıt citte dide. Şul uq waqıtta ul, Fälestin citäkçese Yasir Arafatnı balanslaw öçen yaña fälestin premyer-ministrı raslanmıy torıp, tınıçlıq urnaştıru planı ber tarafqa da tapşırılmayaçaq dip äytte. Bu plan Yewropa Berlege, BMO häm Rusiä belän bergäläp äzerlände. Arafat bu atnada Abbasnı premyer-ministr wazıyfasına täqdim itte. Ämma Abbas älegä bu wazıyfanı qabul itmäde. Arafat Quşma Ştatlarnıñ häm İzrail’neñ xakimiätne büleşü taläbe astında Fälestin premyer-ministrı wazıyfasın buldırdı.
XS
SM
MD
LG